PSG爭三冠易過食「塞」

猪拉多纳

法國雙料冠軍巴黎聖日耳門，今晚會喺中立場巴黎法國球場，同法乙嘅歐塞爾爭法國足總盃冠軍。雖然PSG主力射手伊巴謙莫域仲有傷，好在另一位射手卡雲尼近期弗爆，而且整體實力高歐塞爾幾班，要創造歷成為法國首支本土「三冠王」唔係難事，就算今場讓到兩球，2.22倍「讓球客勝」都可投以信心一票！

（TVB301台周日凌晨3:00直播）
歐塞爾近7戰不勝

PSG已經連奪法甲、法聯盃冠軍，只要贏埋呢場，就可以成為法國首支完成本土「三冠」霸業嘅球隊！呢班波自從歐聯出局之後近6場全勝，狀態弗到漏油，雖然神射手伊巴謙莫域小腿仲有傷，今場唔知踢唔踢得，幸好另一位射手卡雲尼腳風超順6戰攻入9球，今場對住歐塞爾又係數胡良機。睇番PSG今次6連勝半場都順利領先對手開「贏贏」，今戰如果半場又Lead住歐塞爾，冠軍都可以話係十拿九穩！

對手法乙球隊歐塞爾喺法總過關斬將，入到決賽已經好叻仔，可惜佢哋近況麻麻已經7場不勝，加上實力差PSG起碼9條街，嚟到王者戰睇怕都好難有寄迹出現咯！