克雷塔羅開「大」騷挽面子

猪拉多纳

墨季後 09:30（日）50 克雷塔羅 Vs 拿根亞

墨超季後賽決賽次回合聽朝上演，克雷塔羅喺主場再遇拿根亞，要玩就揀入球大，畢竟克雷塔羅喺首回合淨吞5蛋，唔使旨意反勝，惟有喺主場球迷面對踢番場好波，開入球騷氹番粉絲啦！
拿根亞 領先5球放膽攻

克雷塔羅喺4強次回合主場對帕丘卡，雪藏麻煩友朗拿甸奴依然贏2:0，最後靠較高排名躋身決賽。可惜呢班波早幾日喺決賽首回合鬥拿根亞竟然完全唔夠揪，對方嘅前鋒查維亞奧路斯高更發威連入4球大勝5:0，假如克雷塔羅想挽回番些少面子，今戰返主場梗係要同對方鬥攻博贏番場啦！唔通仲死守求和咩？