洪都仔受讓掃克

猪拉多纳

砌低巴西唔嘢小

今日中午世青盃F組首輪賽事，烏茲別克U20於新西蘭基督城火併洪都拉斯U20。由於F組有頂頭大熱德國同魚腩斐濟，今仗邊隊贏波對爭次名出線幫助極大，洪軍更有大國腳拜仁洛捷斯壓陣，連巴西同烏拉圭都向佢哋俯首稱臣，點會驚烏茲別克，仲有得受讓梗係揀讓球客勝。

（周一中午12時開賽）
拜仁洛捷斯孭到飛

今屆世青盃頻頻爆冷，先有阿根廷、烏克蘭同加納贏唔到，墨西哥仲輸埋波添，對上盤客而言可謂災難，始終細路波水準飄忽又未入局，斯維覺得熱門隊暫時都係少沾手為妙。講番呢場烏茲別克對洪都拉斯，由於同組有大熱門德國，又有隊「大魚腩」斐濟，因此烏、洪爭小組次名目標鮮明，今仗正面交鋒贏輸成為出線關鍵。

亞洲代表烏茲別克未有徵召任何外流球員，以國內班霸賓約哥小將為骨幹，只得前鋒烏連保爾夫較為標青。相反洪都拉斯有多位於美職及墨超搵食嘅新星，當中効力奧蘭多城、同卡卡做隊友嘅拜仁洛捷斯把握力強，上年更榮升大國腳。

講近況洪都拉斯亦唔嘢小，國際賽已經連贏7場，包括擊敗巴西及烏拉圭。由於洪軍下場出戰魚腩斐濟，照計贏波冇難度，如果今仗打低烏茲別克的話，好大機會頭兩場擸晒6分提早出線，今仗有得受讓咁筍，斯維力撐洪都拉斯讓球客勝。