斐濟快樂足球大過天

猪拉多纳

今屆世青盃可謂相當難賭，最離奇相信係被視為魚腩嘅斐濟，首仗大敗完德國1:8後，之後嗰場竟然大破洪都拉斯3:0，仲爆出1,500倍半場波膽，確實夠晒神奇，亦反映出呢個賽事投X難度甚高，明早斐濟再度出戰烏茲別克，以該隊性感足球踢法，無論贏輸相信入波都唔會少，捧1.82倍大盤！

（開賽時間：周日早上10:00）

踢咗兩輪，如果你問邊隊最有冠軍相，真係好難答，因各隊實力好平均，而且後生仔最欠缺嘅就係經驗，水準未必長期Keep到，故去到淘汰賽階段隨時走樣，若然有興趣玩冠軍項目嘅話，建議向半冷門如加納、尼日利亞等埋手。

講番今場波，兩隊猶如不設防，斐濟首仗失8球，烏茲別克兩場波夾埋亦失咗7球，其中斐濟開放式快樂足球踢法，真係任你入幾多球都唔介意，最緊要自己入到波，所以強如德國都畀斐濟射入一球，不過斐濟陣中都有唔少具實力球員，尤其係9號射手華利禾真係有料到，兩場分組賽都有波入，絕對唔係符碌。
烏茲別克爭出線

根據美國民調機構茲洛普2014年做嘅一項調查，斐濟係全球最快樂國家，難怪佢哋班球員諗法都特別正面同樂觀，連踢波都淨係鍾意進攻唔防守，問你服未！

由於今場係最後一場分組賽，烏茲別克要出線必須贏波，預期兩隊都會鬥攻，入球數字必激增，中位數調整至4.5球亦值得推介大盤，而且斐濟受讓兩球，3.45位「讓主」亦相當吸引。
樂比推介：斐濟U20（入球大）、（讓球主勝）