匈尼戰「互惠互利」吼和波

猪拉多纳

世青盃「默契波」出沒！Ｅ組最後1輪賽事，匈牙利Ｕ20對尼日利亞Ｕ20，雙方今場只要打和，就可以攜手出線，好可能打拉布戰，歎慢板各取1分，不妨博一博2.85倍和波。如果嫌風險高，入球細都係一個唔錯選擇。

（周日下午1時開賽）

Ｂ組第3位阿根廷已出局，4個最佳小組第3名出線席位，新西蘭、馬里已各佔1席，餘下兩席屬於Ｃ、Ｅ、Ｆ組之爭，Ｃ組塞內加爾踢完3場有4分，但得失球差係「-2」，換言之，如果匈牙利同尼日利亞打和，得失球差較佳嘅匈牙利會獲次名出線，尼日利亞可憑較佳失球差，力壓塞內加爾，以最佳小組第3名晉級，而毋須理會Ｆ組賽果。匈、尼兩隊目標清楚，但求穩陣平安過渡，入唔到波唔緊要，最重要唔好失波，隨時慢慢搓到完場。
巴西Ｕ20開入球騷

同組奪標熱門巴西Ｕ20迎戰北韓Ｕ20，巴西已穩奪出線資格，今仗可以放開懷抱，盡情表演「森巴足球」，享受入波樂趣。北韓兩場輸晒，失咗9球，完全未夠班喺賽事立足，爭出線已成天方夜譚。球隊依家根本「冇嘢好輸」，不如豁出去踢場好波，只要攻破巴西大門，都算係一種「成就」，對國民都有所交代。中位數3.5球照揀入球大。