揭幕戰睇準形勢有利追貨

猪拉多纳

等到頸都長埋，美洲國家盃終於開打，主辦國智利會同厄瓜多爾合演揭幕戰。智利雖然主場戰績亮麗，但佢哋上半場演出飄忽唔在講，近兩屆美洲盃首戰都開出「半輸全贏」，今場不妨冷敲26倍「客主」，再睇臨場形勢追捧智利「下一隊入球」。
智利先失波吼「下一隊入球」

智利近九次主場出擊贏咗七場，演出對辦，弊在齋計上半場完全係另一回事，九戰僅得四勝三和二負。再講智利喺近兩屆美洲盃首輪分組賽雖然都贏波，但呢兩仗上半場都處於落後劣勢，如果今場開賽初段又畀厄軍率先攻破大門，梗係第一時間入貨追智利「下一隊入球」啦！

厄瓜多爾近年打盃賽嘅客戰表現「不堪入目」，包括上屆世界盃南美洲區外圍賽八場冇贏過，同埋近三屆美洲盃九場分組賽一和八負，全部墊底出局。但要留意厄瓜多爾近兩次造訪智利，同埋雙方唯一一次喺美洲盃碰頭，厄軍最係僅以一球見負，今場想追捧智利「讓主」嘅朋友要三思喇。
「即場孖寶」畀你第一手資訊

出咗街冇得睇直播？冇有怕！球迷如果想掌握即場美洲國家盃資訊，只要透過馬會「JC足球實況」同埋「即場分析」呢兩個即場孖寶，就可置身現場一樣即時洞悉戰情同有關數據，方便球迷作即場投X需要。