威爾斯+1搏甩比

猪拉多纳

歐國盃外圍賽B組上演榜首大戰，威爾斯會喺主場迎戰比利時。威爾斯近年進步神速，今仗面對有高柏尼停賽、費蘭尼受傷退隊嘅「歐洲紅魔」比利時，絕對有力可以摸和甚至贏埋，讓球主客和比利時讓一球，阿謙推介威爾斯讓球主勝。（有線64及203台周六凌晨2時45分直播）

兩隊現時同樣以5戰3勝2和11分嘅成績排喺B組頭兩位，比利時以較佳得失球壓住威爾斯，今仗互撼贏波一隊將能獨佔榜首位。威爾斯近年喺主帥高文嘅帶領下表現持續有進步，球隊骨幹好似加里夫巴利、艾朗藍斯、祖阿倫及艾殊利威廉斯皆全數入選大軍，今仗可謂精銳盡出。威爾斯喺主場嘅表現向來唔錯，對上一次輸波已經係2013年嘅事，球隊近5仗主場取得3勝2和嘅威績，今仗相信會有分落袋。
比利時缺高柏尼費蘭尼

「歐洲紅魔」比利時自2014年世界盃後，喺國際賽表現非常出色，更躍升至世界排名第二，近8仗取得6勝2和嘅成績，包括幾日前作客以4比3擊敗法國。不過，比利時今仗有中堅兼隊長高柏尼因上仗歐國盃外圍賽對以色列領紅牌而停賽，加上對法國時梅開二度嘅「爆炸頭」費蘭尼因傷退隊，球隊雖仍有夏薩特及盧卡古等主力在陣，但面對實力增發唔少嘅威爾斯相信唔會咁易贏到，作客讓波非常牙煙，阿謙睇好威爾斯今仗有力搶到分，捧讓球主勝。