美國瑞典大廝殺

猪拉多纳

女子世界盃D組賽事，美國女足明早於加拿大溫尼伯鬥瑞典女足。美國首輪輕輕鬆鬆大勝澳洲盡顯熱門本色，相反瑞典上場後防失三球表現甩漏，今場最好捧大盤。

（周六早上8時開賽）

美國於上屆決賽以互射12碼不敵日本屈居亞軍，今屆捲土重來，中前場主力雲芭芝、雅歷絲摩根、娜賓露、萊德及門將蘇露仍在陣。人靚好波嘅雅歷絲摩根因為初傷愈，上場只係後備上陣，但憑着大勇嘅娜賓露梅開二度及中場佩絲建功，以三比一輕取澳洲全取三分。雅歷絲摩根經過上場熱身今仗可以復任正選，前線進攻相信更加多元化，唔使擔心入波問題。

瑞典踢法機動具侵略性，王牌前鋒舒蓮更有「女版伊巴謙莫域」之稱，佢哋首仗對住非洲隊伍尼日利亞同美國一樣取得三個入波，可惜防線演出失晒魂，竟然喺兩度領先嘅情況下被逼和三比三，爭取出線有暗湧。美國整體實力較平均，勝算較高，不過今場主W太熱冇肉食，既然兩軍同樣具有不俗火力，捧大盤更穩陣。
日本喀麥隆獻「細」

另外C組賽事，衞冕嘅日本女足鬥喀麥隆女足。日本上場小勝瑞士一比○，連同熱身賽已四場不失球，演出穩打穩紮。喀麥隆首仗大勝厄瓜多爾六比○，兩強相遇估計入波唔會多，捧細盤。

（周六早上10時開賽）