喀麥隆摧殘鏗鏘玫瑰

猪拉多纳

女子世盃16強開打

女子世盃周日凌晨展開16強賽事，相比起4年前，今屆各隊實力更平均，分組賽就爆出哥倫比亞擊敗法國嘅大冷門，預計淘汰賽後，下盤潮陸續出現。其中喀麥隆可謂一路奇兵，今晚對中國受讓有力發圍，捧喀麥隆1.85倍「讓客」。（中央5台周日早上7:30直播）

女子世盃自1991年創辦後，廿幾年來經歷重大變化，雖然美國、德國及瑞典等傳統勁旅地位依然舉足輕重，但同其他一線尾、二線頭球隊實力已極為接近，其中非洲球隊近兩屆都展示出一定實力，好似喀麥隆咁，分組賽大炒厄瓜多爾6:0、反勝瑞士2:1，都顯示出該國水平進步神速。
喀麥隆「男」箭頭世界一級

事實上，非洲女足進步大幅提升，係有賴大量球員出國搵食，好似喀麥隆陣中就有13名球員喺歐洲或美國落班，其中前鋒妮高露蔓妮响法國搵食多年，無論經驗同技術都屬世界一流射手級數，佢嘅速度同體能狀況亦與一般男選手無異，中國「鏗鏘玫瑰」對住佢會相當吃力。
中國踢上風波患得患失

當然，中國女足經過多年沉寂後，近幾年表現總算有起色，面對強隊仍不落下風，即使分組賽強手林立仍能次名出線，證明實力不俗。呢方面不得不讚兩年前正式上任嘅教練郝偉，喺佢麾下球隊注重紀律及防守堅固，不過中國女足近年表現佳都係下風波賽事，面對實力較弱或五五波球隊時，反而因欠缺進攻本錢而患得患失，所以今場讓波絕對有隱憂。

況且中國近年極少同非洲球隊交手，未必適應其快速、個人化踢法，特別係喀麥隆分組賽曾經與日本碰頭，雖然以1:2落敗，但射門次數卻喺對手之上，可見喀麥隆面對「亞洲一姐」日本依然游刃有餘，今場唔會驚你中國，實行辣手摧花！