鹽湖城防線開窿敲肯薩斯

猪拉多纳

美職聽朝守尾門，會喺主場迎戰肯薩斯體育會嘅皇家鹽湖城形勢唔多掂，佢哋除咗有奧拿夫打柴同埋基斯舒奧拿未好番之外，伊利亞斯華斯基斯為危地馬拉服役後，又話因為護照問題暫時未能夠歸隊，3件中堅唔踢得，今鋪就算主場都好難砌得低來訪嘅肯薩斯體育會，平手盤玩1.92倍「客勝」划算得多啦！

相比起諸事不順嘅皇家鹽湖城，肯薩斯體育會近況就好得多喇，呢班波連盃賽近8場有5勝3和，中場羅渣艾斯賓路沙更加因為覺得自己狀態唔夠，拒絕為洪都拉斯出戰緊接而嚟嘅美洲金盃賽，擺明希望繼續為球會搏殺，種種迹象可見肯薩斯體育會勁有決心爭西岸冠軍，而且佢哋件射手當姆戴亞最近已經傷愈復出，火力有保證，就算客途出戰，平手都抵撐到極啦！