曼聯針對性增兵密斟神鋒

猪拉多纳

經歷後費格遜年代嘅曼聯，前季度過慘痛一季後，上季喺荷蘭名帥尹戈爾嘅領導下，重返前四並奪得歐聯入場券。今季劍指英超及歐聯錦標嘅尹戈爾，為咗應付雙線發展，季前作出針對性增兵，先後收購舒尼達連、迪比、達美安、舒韋恩史迪加及羅美路多位球星，為各個位置補強。

之不過隨住法卡奧同尹佩斯兩大「鋒霸」今夏先後離開，曼聯前鋒線得番朗尼孭到飛，加上斟洽烏拉圭神箭卡雲尼嘅轉會傳聞又被尹戈爾否認，進攻火力難免令人擔憂。好在尹戈爾坦言正密斟緊一名頂級射手，將會為「魔迷」帶嚟驚喜，但到底呢位星級球員係邊個，大家惟有拭目以待。