巴黎FC法乙頭彩拉唔住

猪拉多纳

法乙今晚開鑼，新升班球隊巴黎ＦＣ值得留意，呢支首都球隊43年前從巴黎聖日耳門分裂出來，但發展一直麻麻，今季重上乙組，球會雄心壯志，力爭殺上法甲，要同聖日耳門睇齊，首仗主場對拉瓦勒，勢必搏老命響頭炮。巴黎ＦＣ主Ｗ1.9倍，兼要讓波，顯示莊家都睇好佢哋旗開得勝，簡單捧主Ｗ。（周六凌晨2時開賽）

巴黎ＦＣ喺1969年成立，1年後同聖日耳門合併，但1972年又分裂，欠缺資源下，成績每況愈下，對上一次踢法甲，已經係1978/79年球季，之後更曾降落業餘賽事。巴黎ＦＣ以丙組亞軍，今季殺上法乙，球會復興在望，今夏積極增兵，包括簽入南錫中場羅曼格蘭治、昂熱前鋒卡拉特艾耶利，早前熱身賽更打和法甲勁旅摩納哥，令人驚喜，難怪剛升班，已獲莊家睇好。
主場夠贏拉瓦勒

拉瓦勒方面，前鋒古拉斯、韋斯利沙特同中場洛碧已經離隊，佢哋上季19場聯賽作客僅3勝，今鋪睇怕都冇運行。另一場，老牌球會歐塞爾流失兩位進攻主力維亞里、森馬列坦奴，攻力大削弱，主場都讓唔起比斯特，要讓球客勝。
克萊蒙特索察吼細盤

此外，克萊蒙特簽入GFCO阿些斯奧後衞利維蘭同歐塞爾守將謝拿比，增強防守能力，佢哋上季兩次同索察交手，雙方總共只出現1個入球，兩隊今場對壘，再追入球細。