弗爆海登咸作客拆紐

猪拉多纳

紐倫堡上季喺德乙升班失敗，諗住今季捲土重來，點知聯賽首戰落筆打三更，作客弗賴堡慘被對手屠宰輸3:6，對球隊士氣都咪話唔大打擊。今晚班波雖然回師主場，偏偏就要對住剋星海登咸，怕且佢哋都幾難開到齋，都係揀1.97倍讓客穩陣。（開賽時間：周六凌晨0:30）
紐倫堡首場慘敗

紐倫堡上仗作客弗賴堡，成條防線好似仲未放完暑假咁失晒魂，開波唔夠14分鐘已經被對手入3球，埋單計以3:6慘敗收場，嚴重打沉球隊信心之餘，仲有後衞貝菲斯被逐離場今仗要坐波監，相信教練韋爾亞都要煩惱點樣執好條防線，免得再次出醜。呢鋪就算返到自己地頭出戰，相信都唔敢亂咁搶攻喇。

至於海登咸聯賽首戰順利開紅門，主場小勝1860慕尼黑1:0，計埋熱身賽已經連贏5場，狀態唔錯咁喎。睇番呢班波上季升上德乙後，對住紐倫堡零舍醒神，以3:0、1:0雙殺對手，班波擺到明剋住對手。加上中場迪斯治利華路好番，兩軍士氣家陣又差天共地，今次作客紐倫堡執番分唔過份囉！