日職鋒線橫掃日乙 大宮松鼠（o趙）向日葵

猪拉多纳

因為東亞盃嘅關係，今個星期日本就得日乙同一場熱身賽受注，都係嗰句，日乙今季最正氣就係「一哥」大宮松鼠，今日佢哋作客對北九州向日葵，唔使諗梗係要1.52倍客勝。（開賽時間：周六下午5:00）

升班心切嘅大宮已經6連勝，响榜首甩開次名磐田山葉成14分，理論上有本錢鬆一鬆，但係日乙家陣至踢咗26輪，仲有成16輪賽事，未係時候收油。而且大宮班前鋒弗到漏油，近6場波省咗18球，換支日職球隊落嚟踢，都未必有咁強勁嘅走勢，呢個時候冇理由唔信佢哋。事實上中場家長昭博、卡連奴斯柏拉巴搭播戶龍二嘅攻擊鐵三角，公認係日職水準，何況仲要加埋件塞爾維亞鋒將美迪查，尋常日乙隊根本頂佢哋唔順。

北九州今日對住當旺嘅大宮固然麻煩，最慘係佢哋攻擊力弱，上場對讚歧全場射門17次一球都入唔到，結果仲0:1輸埋，今日唯一做得到嘅就係死守，只求減少失波，唔好輸得咁肉酸，咁嘅環境唔博大宮開W博乜？
玩埋馬體會「讓客」

其實處於困局嘅球隊唔只北九州，日職嘅鳥棲砂岩都已經5戰不勝，好彩係佢哋今日對西甲雄師馬體會只係場友誼波，即使中場藤田直之臨時畀日本國家隊抽咗去踢東亞錦標賽都冇壞，反正輸咗都唔會少忽肉，馬體會「-2」個「讓客」有2.2倍咪走雞。（有線61、64、201及203周六晚6:00直播）