RB萊比錫主W冇甩拖

猪拉多纳

名帥揸旗信得過

德乙今晚又有得玩，RB萊比錫喺主場對格雷特霍夫，識揀一定揀主勝，因為RB萊比錫嘅新教練，就係我非常欣賞嘅蘭歷克，佢執教過賀芬咸，領軍風格非常進取，對家格雷特霍夫連林志堅都傷埋，感情分都輸晒啦！

（開賽時間：周二凌晨2:15）

RB萊比錫上季猛掟錢都升班失敗，今季決定搵蘭歷克領軍，佢上星期帶隊以1:0砌低FSV法蘭克福，安排5個新球員出任正選贏波，證明佢的確有料到。事實上，蘭歷克對德乙並唔陌生，曾經帶賀芬咸由丙組坐直升機咁升上德甲，仲試過被史浩克04邀請執教添！
林志堅受傷格雷冇星

雖然RB萊比錫有門將古拉施斯繼續停賽，前鋒泰倫斯保迪同後衞馬雲甘柏養傷，但佢哋上季聯賽主場有10勝4和3負，開咧前又喺熱身賽踢到着晒火，新球季首次喺主場正式比賽，點都唔衰得，相信會延續旺勢拎多3分。

另一方面，格雷特霍夫上星期喺主場以1:0擊敗卡爾斯魯厄，為新教練魯頓碧克打響頭炮。不過咁，中場林志堅喺比賽中受傷，估計有排抖，原本佢哋已經星味欠奉，依家冇埋大家最撐嘅林志堅，可以話唯一睇好佢哋嘅理由都冇埋，揀RB萊比錫啦！