巴素利歐聯常客信得過

猪拉多纳

今晚續演歐聯第3圈外圍賽次回合，阿King睇中瑞士巴素利主場迎戰波蘭列治普斯納。巴素利近年係歐聯常客，而且首回合作客都贏3比1，實力顯然遠勝對手，挾6連勝強勢今晚返主場可再下一城，1.52倍主W可作過關重心。（周四凌晨2時15分開賽）

巴素利對上5屆歐聯有4次亮相分組賽，當中仲有兩次殺入16強，相反列治普斯納最叻都係去到第3圈外圍賽，論經驗已輸一大截。從首回合所見，列治普斯納主場出擊都被巴素利壓住嚟打，射門次數只有對手一半，級數明顯差幾班，而且佢哋上周末聯賽作客淨吞克拉科夫兩蛋，狀態亦未上力。巴素利今季喺瑞士超開季3連勝，連同熱身賽擊敗燕豪芬、利華古遜等實力分子已累積6連勝，狀態咁弗勒都勒唔住，主W穩開。
費倫巴治唔赦薩克達

另外兩場次回合，矚目大戰烏克蘭薩克達喺利沃夫利維夫球場迎戰有拿尼、尹佩斯嘅土耳其球隊費倫巴治，首回合兩隊打和0比0，足證勢均力敵，費倫巴治受讓捧得過。

最後蘇超些路迪作客阿塞拜疆球隊卡拉巴克，些路迪首回合小勝1比0，今場大可睇定嚟食。卡拉巴克礙於質素所限，想反撲恐有心無力，卡拉巴克對上3場歐聯外圍賽都開細盤，而且3場半場都同對手冇交收，半場和可再追。