韋斯咸比歷掌帥谷起士氣

猪拉多纳

韋斯咸今屆提早開咧參戰歐霸盃，可惜主力前鋒安拿華倫西亞日前重創至少要抖3個月，對季初部署造成嚴重打擊。錘仔今季最大轉變係換領隊，舊將比歷取代唔得民心嘅艾拿戴斯，可以講係眾望所歸。

呢位前克羅地亞領隊除咗擅長研究對手踢法及致勝戰術之外，仲會攞起支結他唱歌仔畀班球員聽，藉以激勵士氣。隨着「大Sam」離隊，前朝功臣達寧、積亞基連倫等亦相繼離開，新血則有馬賽前鋒皮耶及祖雲達斯守將奧邦拿。