海灣者反轉奧林比亞

猪拉多纳

聽朝南美波好熱鬧，分別有中冠盃、南球盃及巴西盃等賽事上演，阿King推介中冠盃F組，洪都拉斯球隊CD奧林比亞主場對美職球隊西雅圖海灣者，牌面上海灣者佔優，今仗居然有得受讓，好大程度由於球隊爆發傷兵潮，但仍有希度華迪斯、馬田斯等球星孭飛，應可全身而退，1.53倍讓球客勝可取。

（周四早上10時開賽）

近年美職有唔少球星登陸，美職球隊踢中冠盃明顯超班，多支「花旗兵」都能排喺小組榜首，當中包括F組海灣者。海灣者現時受傷患困擾，射手丹普西、查特巴列特、中場卡爾文及後衞李安納度干沙利斯都有傷，因而今場被睇淡。

不過海灣者陣中仲有唔少高質球員助陣，包括巴拉圭射手希度華迪斯、前紐卡素前鋒馬田斯，相信會對CD奧林比亞防線構成唔少壓力。

CD奧林比亞狀態麻麻，近6戰只有1勝1和4負，仲要讓波未免太睇得起佢哋。特別係CD奧林比亞急於搶攻，隨時令希度華迪斯、馬田斯有更多活動空間，以兩人級數，只要有些少機會已可爭取入球，海灣者坐和望贏。
阿根廷內訌撐兵工廠

南球盃第2圈首回合兩支阿根廷球隊交鋒，沙蘭迪兵工廠近6次主場對獨立隊取得5勝1和，完全食住對手，受讓要讓球主勝。巴西盃16強次回合，哥連泰斯首回合作客0比2不敵山度士，今仗返主場勢必全力求翻身，以哥連泰斯主場8連勝強勢，再追主Ｗ。