畢爾包-1喪炸斯利納

猪拉多纳

早前曾經喺西班牙超級盃大勝巴塞隆拿嘅畢爾包，喺歐霸盃附加賽首回合竟以2比3不敵斯洛伐克球隊斯利納，今晚次回合喺主場出擊，一定要贏波先可以殺入分組賽，阿謙相信佢哋一定會搏盡爭勝，讓球主客和畢爾包讓一球，梗係捧讓球主勝啦！ （周五凌晨2時45分開賽）

畢爾包可以話係今夏開咧最忙嘅球隊，由7月31日開始去到上星期日嘅3個幾禮拜，已經踢咗7場賽事，當中包括三鬥巴塞隆拿，一眾球員身心俱疲下自然會「揀波踢」。畢爾包首回合作客斯利納時，由於剛喺西超盃次回合打和巴塞捧盃，球員心情自然有所放鬆，加上主力射手阿度里斯喺嗰場賽事冇上陣，搞到領先兩球都被對手反勝3比2。不過，畢爾包今仗應會打醒十二分精神，球隊現時只有蒙尼恩一位傷兵，今仗喺精銳盡出下有望大勝晉級。斯利納上仗喺落後兩球下憑後備上陣嘅巴西球員韋利安艾維斯梅開二度反勝，但今仗對手應會有所防備，相信再難「偷雞」，畢爾包讓球主勝穩開。
修咸頓殘陣捧對家

另外，英超球隊修咸頓開季表現麻麻，歐霸附首回合更被丹麥球隊米迪蘭特逼和1比1，球隊現時傷兵名單「水蛇春咁長」，想贏波有難度，捧米迪蘭特讓球主勝好過。 （周五凌晨2時45分開賽）