博波斯尼亞「第一隊入球」

猪拉多纳

歐國盃外圍賽B組上演矚目一戰，次席比利時主場迎戰第5位嘅波斯尼亞，排名雖然差幾位，但實際上兩軍只差三分，雙方近績都唔算好，比利時贏面雖較高，但太熱唔值博，睇番對賽往績，兩軍過去5次碰頭都係波斯尼亞先入波，今場「第一隊入球」揀客隊有3.35倍分頭值得一博。若然想刀仔鋸大樹，仲可以小敲23倍嘅「半全場」客主。

（有線64及203台周五凌晨2時45分直播）

比利時喺世盃決賽周後表現比較反覆，陣中雖然大把四大聯賽大球會嘅主力球星，但喺國家隊合作發揮就好一般，歐國盃兩鬥威爾斯一和一負，作客波斯尼亞亦只和波收場，今晚主場出擊當然以全取三分為目標，不過佢哋防線唔係咁穩陣，由於中路已經有高柏尼同華美倫鎮守，所以熱刺一對中堅艾達韋列特同維頓漢要打兩閘，但遇到好嘅翼鋒就容易畀人喺兩邊出波，波斯尼亞嘅比真歷同魯歷喺邊路突破能力甚強，比利時上仗作客波斯尼亞，就係畀比真歷出波畀迪斯高建功。今仗比利時主場肯定主攻，更有利波斯尼亞打反擊。比利時中前場雖然人才濟濟，但兩位大紅人都不在最佳狀態，奇雲迪布尼啱啱轉會忙到暈，事實上佢開咧後喺禾堡表現都係麻麻，箭頭賓迪基賽前傳出有傷，踢唔踢得都未知添！
迪斯高係比利時剋星

波斯尼亞近績亦唔算標青，作客比利時要贏唔容易，不過佢哋打反擊確有一手，尤其箭頭迪斯高質態兼優，呢位波斯尼亞隊長今季由曼城過檔羅馬，迅即進入狀態，喺擊敗班霸祖雲達斯之後仲建功奠定勝局，事實上波斯尼亞打比利時確特別精神，過去5次碰頭都先開紀錄，尤其迪斯高更係比利時殺手，近3次對賽佢共轟入4球，而且3場首名入球都係佢，「第一隊入球」吼客隊，黑柴仲建議博埋比利時下半場反敗為勝。