美斯基金會捐86萬助敍國難民

猪拉多纳

周三早上國際熱身賽，阿根廷和墨西哥喺中立場美國德州交鋒。兩軍上輪熱身賽不約而同跟對手上演入球騷，而且近年交手亦例必多波入，今場一於簡簡單單捧大盤。

（周三早上10時開賽、馬會網上文字直播）

阿根廷領隊馬天奴今次點兵棄用了缺態嘅迪馬利亞及希古恩，但對攻力絲毫無損，上仗對玻利維亞憑阿古路、拿維斯及美斯齊齊梅開二度，再加上馬體會小將安祖哥利亞建功，大勝對手7比0，其中美斯只係後備落場25分鐘，今場料有更多上陣時間。
阿根廷墨西哥明早「大」駁火

美斯今場亦輕鬆備戰，去到德州，吸引到効力火箭球員莫迪祖拿斯，呢名立陶宛中鋒殺入阿根廷大軍酒店，仲上埋美斯住層搵偶像影相，一高一矮相映成趣，而美斯亦關注歐洲難民，以美斯基金會名義，捐咗10萬歐元（約86萬港元）畀敍利亞難民。

墨西哥上仗和同樣來自中北美洲嘅千里達交手，結果在兩度落後之下逼和對手3比3。名牌球星查維亞靴南迪斯及古亞達度於該仗俱沒有上陣，今仗有機會擔正。翻查往績，阿根廷近3次對墨西哥全勝，而且平均每場入3球。墨西哥除咗上場對千里達失3球，對牙買加、巴拿馬之流亦有失波，以此防守力勢難抵擋阿軍狂攻猛炸，考慮到墨西哥本身亦有一定入球能力，今場捧大盤啱數。