歐洲豪門今晚開Party!

猪拉多纳

巴塞-3照炒私房菜

今晚歐洲戰火連場，當中西甲巴塞主場對「私房菜」利雲特，大炒冇難度；意甲祖雲達斯則力求喺聯賽開齋，而法甲馬賽主場迎擊里昂，及「葡超打吡」波圖對賓菲加同屬豪門對決，好戲連場預埋各位球迷開Party！

「地上最強」巴塞隆拿主場迎戰利雲特，巴塞剛喺周中歐聯分組賽畀羅馬逼和1比1，而且佢哋頭3場西甲都係小勝，今場讓球主客和竟然要讓到3球咁辣，其實利雲特係巴塞嘅「超級私房菜」，最近3次交手巴塞都贏到4球或以上，今場一於捧讓球主勝！

（now 632周一凌晨2時30分直播）
利雲特去魯營例腳軟

巴塞隆拿今場有後衞丹尼爾、華美倫、門將哥迪奧巴禾、中場拉芬拿艾簡達拿養傷，中堅碧基停賽，但前線攻擊陣容完整，「MSN」美斯、蘇亞雷斯同尼馬均可正選出戰，完全唔使擔心攻力！巴塞上季兩輪均送利雲特5蛋，對上10次主場對利雲特贏晒，遠嘅唔講，最近5仗主場有4場係入到5球或以上，當中更有一場係炒利雲特7蛋，利雲特班球員可以話去到魯營就腳軟！

利雲特上場逼和西維爾1比1好似好叻咁，但其實係西維爾自己唔爭氣，先畀到機會利雲特偷雞。利雲特今場仲有防中施馬奧馬迪停賽，後衞艾雲盧比斯因傷上陣成疑，今場又點頂到巴塞，2.05倍嘅讓球主勝真係咪錯過！