波圖開W挽「菲」士

猪拉多纳

葡超今晚有大戰，波圖喺主場對賓菲加，主讓平半博1.69上盤。雖然波圖教練洛佩特吉上任後，兩次對賓菲加都贏唔到，但近日有消息話，保亞斯被辛尼特炒魷後，有興趣重返波圖領軍，難怪洛佩特吉驚到震，唔怪得佢拍晒心口話今場非勝不可！

（開賽時間：周一凌晨2:15）
賓菲加作客往績輸蝕

波圖日前喺歐聯分組賽首戰，只能夠賽和基輔戴拿模踢成2:2，據講高層有啲唔耐煩考慮換教練，咁啱保亞斯主動表示有興趣食回草頭，你話洛佩特吉點會唔落柯嗌球員搏盡保飯碗？雖然賓菲加射手莊拿芬干卡維斯狀態大勇，但佢哋近4次聯賽作客波圖得1勝3負，睇怕難全身而退。