C朗「賣身」善事 張琳芃明年登「艦」

猪拉多纳

想同皇馬萬人迷C朗約會呢？這些機會……原來係有。近日C朗同慈善團體Omaze合作，並且「以身相許」一日咁多，任何人只需要捐出10美元（約77.5港元）買慈善獎券，就有機會被抽中做幸運兒，同C朗一齊吃飯及出席粉絲活動、做偶像嘅髮型顧問畀意見，仲可以獲得11月尾嘅巴拿貝球場VIP波飛，欣賞皇馬對巴塞嘅國家打吡添，買得多中獎機會愈高。上述收益會資助海地貧民區改善教育及醫療設施，為善最樂，又能夠近距離同C朗對足成日，各位「朗粉」萬勿錯過。
皇馬作客照食「包」

至於「中國沙治奧拉莫斯」張琳芃上「艦」一事有新進展，據報FC廣州（廣州恒大淘寶）主席許家印日前到訪西班牙，親自同皇馬會長皮里茲傾掂數，張琳芃明年1月會以借用身份加盟皇馬，而且確保有落場機會，未來每年會有2至3名恒大球員借去皇馬。不過，皇馬目前3個非歐盟球員名額，已經被占士洛迪古斯、丹尼路雷斯及卡斯米路佔用，球會要騰出空間畀張琳芃都唔容易，另一個可能性係為由施丹執教嘅皇馬B隊上陣。

「銀河艦隊」今晚西甲作客畢爾包，皇馬上仗小勝CF格蘭納達一粒明顯勒住嚟踢，況且畢爾包有中場蒙尼恩及後衞安尼高保維達缺陣，就算有地利都好難爆冷，直取讓球客勝。

（now 633周四凌晨3時直播）