愛斯賓奴回勇唔赦拉科

猪拉多纳

BB仔唔跌過唔曉行，愛斯賓奴都係一樣，早排輸完鑊甘畀皇家馬德里後終於爭氣，最近仲連環砌低皇家蘇斯達同華倫西亞添。今晚佢哋造訪拉科魯尼亞，相信又係中場新星阿辛斯奧嘅Show Time，受讓平半博1.97倍下盤。

（now632台周日晚10:00直播）
新星阿辛斯奧搶鏡

愛斯賓奴早排畀C朗省入5粒，埋單計數淨吞皇馬6蛋，好在班球員冇洩氣，打後兩輪聯賽接連擊敗皇蘇同華倫，上仗擊敗「蝙蝠兵團」場波更加係今季代表作，門將盧比斯幾吓神救固然抵讚，但最叻仔肯定係中場阿辛斯奧。
拉科上季交手不勝

呢位翼鋒今季由皇馬以借用形式加盟，扭波、畀波甚至攻門瓣瓣有，點睇都唔似得19歲，若果呢位西班牙U21成員Keep住有咁嘅水準，睇怕「銀河艦隊」來季實收番嚟自己用。對家拉科魯尼亞上季聯賽兩循環都贏唔到愛斯賓奴，今季聯賽主場出擊又未開齋，喺自己地頭似乎冇乜優勢咋喎，學人讓波？信唔過！