默西賽德郡打吡博和好路

猪拉多纳

超級星期天早場上演默西賽德郡打吡大戰，愛華頓主場硬撼利物浦，今場唔單止係宿敵之戰，更係「紅軍」領隊羅渣士嘅保「位」戰！喺周中歐霸盃主場對瑞士錫永贏唔到後，羅渣士即將被炒嘅消息吹得愈嚟愈勁，但呢位北愛教頭即刻死撐話：「我從未輸過默西賽德郡打吡。」好！科娜姑且信多你一次，紅軍受讓得1.46倍太熱，雙方近年碰頭都旺和波，一於買和！

（now 621周日晚8時30分直播）
羅渣士保「位」戰

雖然羅渣士喺歐霸盃冇派史杜列治上陣，中場核心菲臘比古天奴只係後備落場，但擁有拉爾拉拿、丹尼艾格斯、安利簡恩嘅紅軍整體實力仍然高過錫永好多，仲要擁有主場之利，結果只能打和1比1，認真羞家。賽後羅渣士試圖轉移視線，話對今場打吡戰感到樂觀，原因係佢由12至13球季帶領紅軍開始，近6次同愛華頓交手未輸過，錄得1勝5和「佳績」。咁多和波，3.25倍嘅和局真係捧得過，況且依家羅渣士聞到魷魚香，今場一輸隨時即刻落鑊，對佢嚟講，保住不敗都係唔錯嘅戰果。

愛華頓近況認真唔曳，最近6場都未輸過，狀態肯定好過利物浦多多聲。不過今場對住同市死敵，一來會畀大戰氣氛影響發揮，二來班球員為免輸波，應會踢得更謹慎，先做好防守。兩隊都唔輸得，今場一於博和！