帕拉尼恩斯玩留力唔怕反

猪拉多纳

巴甲榜首哥連泰斯周一凌晨作客鬥帕拉尼恩斯，哥連泰斯為爭標近期愈戰愈勇，對上四場聯賽三勝一和。帕拉尼恩斯位列中游戰意成疑，而且佢哋周中需要應付南球盃八強首回合，今場隨時留一手，平手盤捧哥連泰斯。

（周一凌晨2時開賽）

哥連泰斯現時能於榜首拋離第二位嘅明尼路五分，前鋒路夫與中場謝臣嘅攻擊組合首居其功，兩人今季於巴甲已合共攻入二十球，加上盧斯安奴尼維斯、伊利亞斯文迪斯都能保持穩定入球率，作客唔會刻意改變進取踢法。

帕拉尼恩斯已經連續八場巴甲未贏過，不過未計周日凌晨賽事，佢哋排喺第十二位，領先尾四嘅哥列迪巴六分，暫時護級壓力未算好大。帕拉尼恩斯周中將要出戰南球盃八強首回合鬥巴拉圭路昆奴，睇番佢哋對上三次出戰南球盃前一輪聯賽全部輸晒，最近一次就係主場不敵中游嘅邦迪比達，今次對手換上爭標分子哥連泰斯，就算主場出擊都不宜睇得太高，平手盤捧客軍。