哥連泰斯齊腳撐客Ｗ

猪拉多纳

巴甲榜首哥連泰斯同冠軍愈嚟愈近，今場作客聯賽8場不勝嘅帕拉尼恩斯，仲唔趁佢病攞佢命咩？哥軍今場唔只有中堅菲臘比蒙達里奧，坐完波監可以復出，仲有幾位後防大將傷愈復出，帕拉尼恩斯想入波都難！哥連泰斯「客Ｗ」有2.38倍，梗係要捧啦！

（開賽時間：周一凌晨2:00）

哥連泰斯近期後防鬧兵荒，不過表現都算唔錯。佢哋上場對戈亞斯雖然有中堅菲臘比蒙達里奧停賽，但係佢今場已經可以復出擔正。而且佢哋仲有兩閘烏恩永爾同法格拿復出，後防人齊，主隊想入波唔容易。
帕拉尼恩斯專心盃賽

至於帕拉尼恩斯雖然喺南球盃勇闖8強，但係一返到聯賽就走晒樣，過去8場未贏過。以佢哋現時狀態，就算喺主場作戰，都好難同哥連泰斯鬥，都係專心盃賽啦。