飛燕諾遇死敵演入球騷

猪拉多纳

今晚荷蘭盃第3圈戲碼強勁，由聯賽榜「阿二」飛燕諾主場對「一哥」阿積士。飛燕諾近期表現強勢，已經連贏5場，射手古積特「愈老愈可愛」，面對入球能力同樣唔錯嘅阿積士，大有機會上演入球騷，阿謙推介1.75倍嘅大盤。

（周四凌晨2時45分開賽）

飛燕諾近期狀態唔講得笑，近7場波錄得6勝1和，其中今季重返球隊嘅老牌射手古積特近兩場大演「帽子戲法」，以行動證明自己寶刀未老，加上前線拍檔艾利亞同米高基拉馬亦頻有「士哥」，今仗雖續有後衞卡斯杜柏、盧比斯卡比爾同哥斯維特唔踢得，相信一眾殺手仍有力攻破「宿敵」阿積士大門。
阿積士作客照搶

阿積士近期表現有啲反覆，但球隊仍然保持唔錯嘅入波能力，只有上周中歐霸作客費倫巴治冇波入，攻力其實冇咩問題。阿積士今仗有前鋒米利克同中場施利路因傷無法上陣，但攻擊組合安華艾加斯、域陀費斯查同尼曼查古迪積都可上陣，佢哋今季本土賽事每場客戰都有波入，今仗大盤有1.75倍值得支持。