里昂勢頹讓唔起聖伊天

猪拉多纳

法甲今周壓軸好戲上演中部打吡，里昂主場迎戰聖伊天，兩軍上周歐洲賽戰果各走極端，里昂歐聯主場輸波出線凍過水，相反聖伊天於歐霸大炒迪尼普，近五場贏四場士氣如虹。聖伊天近年喺打吡戰往績佔優，今場仲有得受讓必捧讓球客勝。

（TVB 302周一凌晨4時直播）
拿卡錫迪態沉累事

未計周六晚成績，里昂雖排聯賽榜第二，但實際已落後榜首巴黎聖日耳門10分，成績唔算理想，尤其上季法甲神射手兼最佳球員拿卡錫迪演出持續低沉，唔單止拖垮球隊表現，亦令自己再次落選新一期國家隊名單。里昂上周喺歐聯主場淨吞辛尼特兩蛋，分組賽四戰只得1分，出線機會渺茫，而且佢哋今季主場於各項比賽已輸咗3場，聯賽鬥里爾、雷恩亦先後失分，同上季主場聯賽有超過7成勝出率相比，可謂成績大倒退。

聖伊天連盃賽近5場贏4場，而且4場贏波都能保持不失。聖伊天近三次喺中部打吡取得兩勝一和較佳成績，而且過去六次作客里昂亦只曾一敗，心理上有優勢，今仗有力立於不敗之地。