數據人生： 苗廐頭場旺 翔德開齋

纯情小彩迷

　　有時候賭錢真的要跟紅頂白，如近期頭場專買苗?馬的話，計落便有不俗收穫，如對上四匹列陣頭場的「驍騎無敵」、「同心威駿」、「科研精英」及「秒秒領先」已累積三冠一季﹔既然有路可捉，而今戰頭場「翔德」亦有可爭實力，自然不宜錯過。

　　「翔德」在港兩季十四戰只得一亞兩季，成績認真普通，幸好今季減夠分跑五班賽後，便經常交出接近表現，尤其十月中墮馬後復出跑三仗，便合共取得一亞兩季，證明此匹四歲馬已屆反彈時候，故此上仗續配梁家俊跑1400米，亦被捧成四倍大熱門，可惜開閘時「翔德」將頭轉左兼四足滯立，早段失位甚多，但終點前卻愈追愈勁，結果落後頭馬「五代同堂」五又四分一馬位跑第八，可見如非出閘大讓賽，鹿死誰手仍是未知數。

　　上仗賽後小組要求「翔德」必須經過連番試閘及格後才可再跑，而牠亦分別於上月十九及二十六日配勞愛德試泥閘，兩次起步均暢順，相信今仗應不會重蹈覆轍，加上此駒評四十分以下跑1400米的表現穩定，有力打響頭炮。

最強對手神機妙算

　　「神機妙算」前仗首次綁��即於五班1400米初開勝門，上仗排十四檔再爭勝途，閘前落飛顯出有搏殺決心，可惜因右前腳不良於行大敗而回﹔埋門曾試大閘兼安排於草地拍跳，估計腳傷方面已無大礙，這次依然負輕磅上陣，轉排四檔亦有利得多，力足威脅任何對手。　

歐陽志恆