廣島唔輸湘南即入總決賽

猪拉多纳

東京飛腳搶W爭第3

日職次階段今日煞科，廣島三箭不但領先次席鹿島鹿角3分，淨得球更有12球優勢，肯定成為次階段冠軍，而且今日只要主場贏埋或者打和湘南比馬，仲會以全季總分第一率先打入冠軍附加賽總決賽添。

目前日職最大競爭嘅地方，在於總分第3位嘅爭奪，FC東京（對鳥棲）、大阪飛腳（對山形）都要贏波至有望攞到呢個席位，同總分第2嘅浦和紅鑽打場冠軍附加賽準決賽，博入總決賽挑戰廣島，所以東京、飛腳兩個W都博得過。