紅軍斷箭細味波爾多

猪拉多纳

今晚賽事以歐霸盃做主打，阿King睇中B組利物浦主場對波爾多。雖然紅軍喺新帥高普帶領下全面復甦，但弗爆主力菲臘比古天奴有傷在身，預計今仗唔會出佢令火力大減，而波爾多今季作客未贏過，累鬥累格局唔慌多波入，梗係捧入球細喇。

（now 670周五凌晨4時05分直播）

利物浦自高普接手後，取得4勝3和1負成績，最重要係佢重新激活球隊鋒線嘅活力。不過紅軍上仗大勝曼城4比1之役，古天奴踢到下半場就被換出，據報佢拉傷大腿肌肉，儘管傷勢唔算嚴重，預計高普會錫住呢位愛將，今戰對波爾多會畀佢抖吓，查實古天奴近3仗共轟入4球加1次助攻，紅軍冇咗佢，攻力肯定大打折扣，既然主W得1.35倍咁乏味，寧捧有1.88倍嘅入球細。
卡斯洛達爭出線唔赦多蒙特

至於C組卡斯洛達主場對多蒙特，客軍已經鐵定出線，今場留力唔奇，卡斯洛達為爭出線必搏，仲有得受讓必揀讓球主勝。

（now 670周五凌晨零時直播）

最後J組卡拉巴克主場對熱刺，熱刺今場贏波就出線，王牌射手哈利卡尼連續5場有士哥弗到震，客W不容錯過。

（now 670周五凌晨2時直播）