利物浦撲擊史雲斯再追半和

猪拉多纳

高普接手後愈踢愈順嘅利物浦今輪主場對史雲斯，「紅軍」近6場豪奪5勝，相反「天鵝」近10戰贏得1場，狀態高下立見。「天鵝」主帥蒙克更盛傳即將被炒，但「天鵝」垂死反撲可能令紅軍陷於苦戰，史雲斯近4場都開半場和，一於再追！

（now 622周一凌晨零時15分直播）

利物浦前鋒史杜列治再次喺復出前夕遇上新傷，好在問題不大，但領隊高普就暗寸「史獨」怕痛：「佢需要學識分辨邊啲係嚴重痛楚同邊啲係普通嘅痛。」高普亦話大家需要耐性去幫佢克服傷患，今場睇怕「史獨」都唔會落場，等佢操多一排。同樣需要時間操弗嘅仲有隊長佐敦軒達臣，高普話要確保100%狀態先准佢出戰，今場應該都未必出場。
紅軍遇鐵桶陣冇板斧

史雲斯領隊蒙克備受下台壓力，極需一場勝仗振奮士氣，但今場作客「紅軍」，保住不敗已經好理想，相信蒙克要班手足先做好防守。利物浦近況確係幾好，但佢哋對住刻意加強防守嘅球隊如修咸頓同水晶宮，即變得老鼠拉龜，難組織有效攻勢，球隊近6場聯賽有5場開出半場和，「天鵝」亦近4場開出半場和，2.35倍嘅半場和好路喎！