史浩克主場恰慣漢諾威

猪拉多纳

質高一皮 近況復甦

今晚德甲有場獨腳戲，由史浩克04主場恭候漢諾威，話就話史浩克近況唔掂，不過漢諾威都唔好得幾多，況且雙方近年交手都係旺主隊，一於信亨特拉爾同祖普莫亭有貨交，喺主場射爆漢諾威反彈，史浩克讓一球捧上盤。

（now670台、有線61及201周六凌晨3:30直播）

史浩克由10月底至今未喺德甲贏過波，排名亦已經由季初嘅第3跌到落第8。不過咁，佢哋喺上周中砌低尼科西亞躋身歐霸盃32強，暫時可以將注意力擺番喺本土聯賽。加上史浩克上輪德甲幾乎喺利華古遜地頭攞晒3分，睇個勢係時候重返正軌。一對箭頭亨特拉爾同祖普莫亭都有番咁上下殺傷力，加埋麥斯美亞同利萊辛尼兩位高質中場，史浩克嘅火力有保證吖！

史浩克由10月底至今未喺德甲贏過波，排名亦已經由季初嘅第3跌到落第8。不過咁，佢哋喺上周中砌低尼科西亞躋身歐霸盃32強，暫時可以將注意力擺番喺本土聯賽。加上史浩克上輪德甲幾乎喺利華古遜地頭攞晒3分，睇個勢係時候重返正軌。一對箭頭亨特拉爾同祖普莫亭都有番咁上下殺傷力，加埋麥斯美亞同利萊辛尼兩位高質中場，史浩克嘅火力有保證吖！
近5對賽主隊全勝

對家漢諾威近5場聯賽2勝3負，佢哋唔單止繼續有清武弘嗣倦勤，賽前仲有消息話門將薛拿同右閘酒井宏樹因患病缺操，就算今晚出得都未必係十足狀態。再睇埋往績，雙方近5次交手，全部由主隊贏波，漢諾威對上4次去到史浩克地頭更加輸晒，呢場波梗要博主隊啦。