飛腳絕地大作戰

猪拉多纳

日職總決賽次回合，廣島三箭返到主場鬥大阪飛腳，廣島三箭喺首回合靠前中後「三箭」入波，作客反勝飛腳3比2，飛腳今仗要淨勝2球或以4比3以上大比數0贏波才可封王，肯定火力全開，但谷得太上，隨時被三箭反擊突襲得手，況且飛腳作客入得又失得，之前6仗作客5次開出大盤，今仗勢必合演入球騷，難得入球中位數只係2.5球，熱捧入球大。

（有線61、201及148台周六下午6時30分直播）
三箭夠料以攻代守

今場決賽唔單止決出日本第一，勝出一隊更會攞埋世冠盃參賽資格，硬撼世界列強。飛腳首回合於主場兩度領先下，完場前3分鐘南韓守將吳宰碩小不忍則亂大謀，推跌對手直接領紅被逐，最終三箭喺補時階段先後靠後衞佐佐木翔同中場柏好文連入2球，反勝3比2。連埋呢場，三箭取得7連勝，一共轟入17球，王牌前鋒戴恩費斯杜格拉斯7場入咗6球，球隊依家士氣大振，今場又使乜靠死守奪冠先？

首回合僅後備上陣嘅飛腳主力射手安達臣柏德列，相信今仗會復任正選，拍住土炮射手宇佐美貴史攻堅，連同中場指揮官遠藤保仁穿針引線，攻擊力的確非常勁，況且他們近3次造訪三箭全勝，心理上稍佔優勢，今仗定必毫無保留喪攻。

之不過飛腳一向攻強守弱，今場傾巢而出，肯定會令防線更加空虛，翻查數據，該隊近6仗客場出擊場場有失球，5度開出入球大，今場又有後衞吳宰碩停賽，三箭肯定更易入波，1.73倍大盤冇理由唔捧呀！