普馬斯未夠喉派W氹球迷

猪拉多纳

墨超季後賽四強次回合，常規賽盟主普馬斯主場對CF阿美利加，普馬斯首回合大勝3比0，晉級機會高唱入雲，返回自己地頭當然希望以勝利同球迷慶祝。CF阿美利加兩名主力停賽，睇怕無力翻身，不如慳番啖氣準備踢世冠盃好過，捧普馬斯主W。

（周一凌晨2時開賽，馬會網上文字直播）

普馬斯喺墨超春季聯賽一枝獨秀，當中八次主場贏咗七仗，目前人腳整齊，點秤都比CF阿美利加優勝。雖然話普馬斯有三球在手，今仗唔使贏都可以晉級，但美洲球隊以主場氣氛狂熱見稱，相信普馬斯今仗唔敢揸流攤，以免激嬲Fans。CF阿美利加常規賽僅排第六，上仗輸波更有後衞柏保路阿古拿、沙穆迪奧齊食紅牌停賽，加上中場艾拔圖加西亞受傷缺陣，殘陣出擊信唔過。值得一提，CF阿美利加將於下周日踢世冠盃對FC廣州（廣州恒大淘寶），隨時已無心再喺今場「例行公事」浪費氣力。
托盧卡歎慢板吼細

另一場四強次回合，托盧卡主場對堤格雷斯，雙方首回合打和0比0，由於托盧卡常規賽排名較高，如果今仗再打和0比0，根據賽制可以「優先」晉級，所以托盧卡應會歎慢板。事實上，雙方近五次對賽只曾出現一個入球，細盤屬於首選。

（周一早上8時開賽，馬會網上文字直播）

kong

支持