華倫殘陣維拉利爾W啱數

猪拉多纳

除夕夜有西甲陪大家度過，「黃色潛艇」維拉利爾主場鬥「蝙蝠軍團」華倫西亞，歇冬前「黃色潛艇」狀態大勇，連贏3仗，包括1球擊敗皇家馬德里，反而「蝙蝠軍團」喺新帥加利尼維利執教下未見起色，今場捧1.62倍維拉利爾W之餘，2.02倍大盤都博得過喎！

（now 632周四晚11時直播）

「加利佬」領軍華倫西亞頭4場，錄得1勝2和1負成績，唯一一場贏波係西班牙盃第四圈次回合以2比0擊敗低組別球隊巴拉卡度。

「加利佬」經過短暫嘅聖誕假期後，或者對球隊都更為熟悉，會諗到帶領班波重上勝軌嘅辦法。不過今場面對嘅問題係佢控制唔到嘅，就係傷兵，中前場有安素佩雷斯同洛迪高摩連奴兩位傷兵，後防更係重災區，中堅梅斯達菲、左閘荷西加耶呢兩個常規正選因傷或缺陣，另一位中堅艾登路亞日前亦發燒，未知能否趕及今場上陣。
做慣入球騷捧埋入球大

反觀對手維拉利爾主場威力強勁，喺聯賽8仗主場取得6勝1和1負，成績僅次榜首嘅巴塞隆拿。對完維拉利爾後，抖得3日華倫就要主場鬥皇馬，連踢2場硬嘢，又有傷兵問題，真係神仙都難救，更何況領隊係零教波經驗嘅「加利佬」？今場主勝捧得過，加上維拉利爾近4次主場鬥華倫均開大，場場總入球均高達4球或以上，大盤亦唔怕追。