比甲榜首戰安德列治專恰真特

猪拉多纳

比甲一哥真特今晚喺主場出擊，同安德列治合演榜首大戰。真特今季表現雖然出色，但係佢哋近年經常畀安德列治食住，近3季對壘11場只係贏得2次咁大把。就算比甲一哥有主場之利都捧唔過，安德列治仲要受讓，當然要捧1.62倍「讓球客勝」。

（周日晚9:30開賽）
近3季對賽贏7次

真特今季打入歐聯16強認真叻仔，但係今場對住「天敵」安德列治，叻到識飛都冇用。兩隊近3季對賽，安德列治贏7次，而且安德列治去到真特地頭，都未驚過呢支比甲一哥；近6次作客真特，安德列治就贏4次，去人哋地頭好似返咗主場咁，踢起上嚟特別起勁。

安德列治今場只得左閘艾雲奧巴杜域一個傷兵，相反真特就有後防拉美謝斯安、湯馬士科基，分別因為傷停而無法上陣。安德列治個勢食住真特，坐和望贏，讓客絕對係明智之選。