卡塔爾Ｕ23強搶北韓Ｕ23

猪拉多纳

另一場U23亞洲盃8強戰，由東道主卡塔爾U23迎戰北韓U23。北韓能夠打入8強，全因為同組已出線嘅日本喺最後一場出副選都贏咗沙特阿拉伯，令只得兩分嘅北韓憑對賽較多入球趕上尾班車。不過，北韓今仗面對分組賽3戰全勝嘅東道主卡塔爾，相信都係無力招架，1.6倍主W屬不二之選，進取嘅可捧埋讓球主勝。（now 671周六凌晨零時30分直播）
卡軍3亞洲盃腳夠經驗

卡塔爾U23分組賽3戰全勝表現出霸氣，球隊雖然每仗都有失波，但前線火力實在強勁，當中以鴨都卡林哈辛同阿爾丁同樣喺分組賽攻入4球表現最為突出。事實上，卡塔爾除有10名外流球員可供調動外，更有3個曾經出席過去年嘅亞洲盃賽事，球員作戰經驗相當豐富，加上擁有主場之利，今仗要贏波晉級絕非難事。

北韓U23能夠喺分組賽突圍真係好有運，喺最後一場比賽同泰國打和2比2，同沙特阿拉伯、泰國喺同獲兩分嘅情況下，以對賽較多入球力壓其餘兩隊出線。北韓雖然有唔少大國腳壓陣，但表現並非想像中好，整項賽事踢3場失咗6球，防線畀人感覺唔太穩陣，今仗面對3連勝狀態甚勇嘅卡塔爾，主W屬穩陣之選，進取嘅可以捧埋2.85倍嘅讓球主勝。