曼城兵疲難炒維拉 捧細

猪拉多纳

阿士東維拉主場對曼城，「富貴兵團」曼城雖喺周中打入英聯盃決賽，但亦付出沉重代價，中場奇雲迪布尼重創長抖10星期，肯定打亂領隊比歷連尼部署。由於曼城激戰過後未必回到氣，加上為免再添主力傷兵，比帥或會換輪陣容，料難大勝維拉，首選入球細。

（周六晚11時開賽）

維拉排英超包尾，曼城則高踞第2位，牌面贏晒，但曼城損失奇雲迪布尼之後，比歷連尼難免會有所顧忌，事關一旦再有主將受傷，勢必影響聯賽及歐聯爭標。權衡輕重下今仗或會收起部分主力，以免因小失大。事實上，曼城近9仗作客僅得兩勝，其中包括同阿士東維拉悶和0比0，因此唔好期望佢哋今場會大勝。

至於維拉雖然實力差一截，但近期防守大有改善，連盃賽在內近5仗不敗，近4仗更只失1球，即使對英超榜首李斯特城都和到1比1。另注意佢哋近5場都開細，今仗遇上疲兵曼城，不妨再追。