勝利 阿德駁火做大騷

猪拉多纳

澳職今日有場精彩「大」鬥法！衞冕嘅墨爾本勝利主場迎戰弗爆嘅阿德萊德聯，呢兩隊波近排火氣十足，主隊啱啱提交亞冠盃外援名單，2位攻擊好手賓卡法拿、古希美爭議性落選，今場肯定搏命爭取入波發洩兼證明自己啦！至於阿德萊德聯近期亦頻頻開火，1.59倍入球大好路呀！

（有線64及203周五下午4:40直播）
賓卡法拿 古希美踢爭氣波

墨爾本勝利上個禮拜喺「墨爾本打吡」逼和墨爾本城2:2，點知入波嘅賓卡法拿同古希美過幾日竟然被通知冇份踢亞冠盃，事關3個外援名額畀咗貝利沙、巴巴路西斯同迪比亞，2大前鋒梗係唔順氣，有乜好得過有入波嚟回應先？加埋王牌射手貝利沙近6場聯賽入6球，火力夠晒保證。

另邊廂嘅阿德萊德聯狀態弗爆，近11場聯賽拎到8勝3和不敗佳績。除咗卡路斯卡、沙治奧施里奧同迪捷特幾個常規「士哥拿」，阿德萊德聯近5場13個入波嚟自8名唔同球員，證明隊波嘅全方位進攻威力十足，加上佢哋近7場比賽有6場都開大，入球大真係抵博喎。