PSG睇定食半場和冇蘭度

猪拉多纳

歐聯踢完幾場16強首回合，巴黎聖日耳門表現令人憧憬，事實上，佢哋喺法甲已經帶到甩晒轆，比第二嘅摩納哥多24分，真係車尾燈都見唔到，最樂觀係未來五場聯賽贏晒，咁就可以提早7輪奪標。

不過，從另一角度睇，巴黎聖日耳門變相有好多失分空間，好似上輪聯賽對里爾，由於有歐聯後顧，佢哋只係同里爾互交白卷，嗰場王牌伊巴謙莫域連後備都冇，迪馬利亞同柏斯托尼都踢半場多啲就換走，同樣道理，今場PSG主場對蘭斯，係歐聯後比賽，教練白蘭斯極有可能採取輪換，唔使搏殘班球員。

喺咁嘅大前提下，PSG未必如想像中狂攻排尾四嘅蘭斯，慢慢睇啱機會都未遲，所以半場唔係理所當然輕鬆領先，而且翻查PSG賽績，佢哋最近7仗上半場全部同對手打和，條路咁靚梗係繼續追，再揀半場和。

（now 714、TVB 302周日凌晨零時直播）