墨城獅吼大亂鬥

猪拉多纳

周五澳職獨腳戲，排第四嘅墨爾本城主場迎戰榜首布里斯班獅吼。墨城依家落後獅吼3分，仍有機會爭逐常規賽冠軍，獅吼近期入得又失得，已經連續9場聯賽開大盤，兩隊分別係今季澳職入波最多嘅球隊，中位數調至3.5球照捧大盤。（有線64及203台周五下午4時40分直播）
中位數3.5球照捧大盤

澳職常規賽踏入尾聲，各隊剩餘4輪賽事，目前榜首4強只有3分差距，今周榜首4強互相對撼，勝負對整個爭標影響好大影響。排第4位嘅墨爾本城除咗今仗鬥獅吼，最後一輪亦要主場火併第三嘅阿德萊德聯，墨城今季表現攻強守弱，聯賽轟入55球但亦失咗38球，主場出擊定必繼續以攻代守。

獅吼近期亦火力全開，近7仗聯賽合共攻入20球，可惜防線甩漏多，往往前面入埋唔夠後面輸，獅吼近9仗聯賽有8仗總入球達4球或以上，今場中位數調至3.5球都唔使怕，照捧入球大。