山度士上盤夠正「路」

猪拉多纳

主場績靚 近況Sharp醒

國際賽檔期過後，球員各自返去所屬球會，準備嚟緊嘅球會比賽，所以呢日得番嘅選擇並唔多，可以話係巴西聖保羅省聯賽嘅天下添。其中筆者最睇好山度士主場鬥費路維拉亞呢場，因為山度士無論主場成績同近排演出都靠得住，呢鋪佢哋讓到半一，1.74倍上盤值得支持。 （開賽時間：周五早上8:30）
費路維拉亞作客腳軟

部分巴西名牌球會並唔多注重省聯賽，好似彭美拉斯就係一例，不過山度士就唔會揸流攤。呢班波喺省聯賽12戰僅輸1場不特止，主場出擊亦都有保證，近5戰除咗摸和聖保羅之外，其餘4場全勝，包括輕取哥連泰斯兩粒，令對手攞到今季省聯賽首場敗仗。山度士呢鋪再度主場出戰，老實講走樣機會並唔大。

更何況對手費路維拉亞近況勁曳，近5場省聯賽只係贏過排下游嘅奧斯迪，其餘4場全部輸晒，真係睇見都唔開胃。再睇埋佢哋踢作客賽事又唔係醒過人，近4場作客輸3鋪，夾埋失咗7球，呢次造訪主場威力十足嘅山度士，仲邊有得走吖！