流浪者炒爆水手

猪拉多纳

賽程有利後上衝冠

澳職常規賽剩低兩輪賽事，爭標形勢非常緊湊，第4位嘅西悉尼流浪者只係落後榜首雙雄墨爾本城及布里斯班獅吼兩分，必然全力衝刺，希望可以反超前奪冠。流浪者今日主場對包尾嘅中岸水手，應可趁機大勝一仗，提升信心，直取1.52倍讓球主勝。

（有線64、203台周五下午4時40分直播）

澳職常規賽前6位球隊可以進身季後賽，西悉尼流浪者已穩佔一席，球隊現時最大目標係爭奪冠軍。佢哋餘下兩場對手只係包尾嘅中岸水手，以及尾二嘅威靈頓鳳凰，全取六分機會甚高，相信流浪者仍抱有捧盃期望，應會全力爭勝。事實上，即使最終贏唔到冠軍，但獲得較高排名，對於季後賽賽程亦有利，勢必盡數水手，增加得失球優勢。
中岸水手唔憂降班等收咧

至於中岸水手今季已經篤定包尾，加上澳職冇降班制度，換言之水手餘下兩仗只屬例行公事。佢哋近八仗聯賽一和七負，其中四場作客每場都失4球，全部淨輸兩球或以上，包括上仗作客阿德萊德聯，雖然先開紀錄，但未完半場已倒落後1比3，最終輸2比4，加上早前作客墨爾本城同樣先勝後敗，決心難同前列勁旅相比。水手已經進入「等收咧」狀態，再次大敗並唔出奇。