銀河火力猛主W抵玩

猪拉多纳

當歐洲聯賽收咧，美職相反踢到如火如荼，星光熠熠嘅洛杉磯銀河仍然係風頭躉，雖然依家少踢幾場，唔係排榜首，但失分比其他球隊少，主場出擊梗係要搶3分啦，面對近9場作客輸6場嘅聖荷西地震，主W仲有1.52倍非常抵買，玩過關同單頭都係不俗選擇。

（TVB302周一早上7時直播）

洛杉磯銀河現時西岸排第4，不過比榜首兩隊急流同FC達拉斯少踢2及3場，失分數字比呢兩隊都少，最重要嘅係，銀河嘅攻擊力冠絕美職，10場入24球，平均每場起碼入對手兩粒。梗係啦，陣中有老而彌堅嘅愛爾蘭「機關槍」羅比堅尼，呢名36歲前鋒都入有選愛爾蘭歐國盃初選大軍名單，相信稍後都會喺法國見到佢，羅比堅尼最近2場主場出戰都有波入，踢埋今仗都差唔多要向愛爾蘭大軍報到，梗係省多兩粒先啦，主W要咗先。
串埋烏德勒支 福爾柯克

睇咗另外兩場都係附加賽，先講荷蘭甲組附加賽烏德勒支對荷華高斯，呢場兩回合計勝方就可以攞到下季歐霸盃入場券，首回合踢成1比1，烏德勒支上輪對施禾利都係作客和波後，憑次回合返主場砌低對手，今仗情況相同，大有機會重施故技，烏德勒支近年主場對荷華高斯都有計，熱W要捧。

最後蘇格蘭附加賽基爾馬諾克對福爾柯克，兩回合計贏波嗰隊下季就有得踢蘇超，睇季尾發揮，基爾馬諾克絕對係箭嘴向下，相反，爭取升班嘅福爾柯克就愈戰愈勇，首回合福爾柯克小勝1比0，今場睇定嚟踢，未必落下風，受讓更係值搏啦。

（TVB301周日晚10時直播）