鳳凰未執掂墨城W得

猪拉多纳

澳職今日頭場賽事，由威靈頓鳳凰主場對墨爾本城。「墨城」上季取得常規賽第4名令人眼前一亮，球隊今夏雖然走咗阿倫穆爾同埋哈利洛維奴，但有前澳洲國腳卡希爾加盟，雖然呢位猛將今仗要踢國際賽缺陣，不過有上季入咗23球嘅澳職神射手科拿路利與及丹麥門將蘇連遜在陣，球隊實力可以話有增無減。

反觀威靈頓鳳凰上季成績大倒退，儘管今夏引入前墨爾本勝利進攻孖寶巴巴路西斯同埋古希美加強攻力，弊在防線卻沒有對症下藥，喺早前澳足盃32強以2比3反輸畀西悉尼流浪者所見，佢哋仲有好多問題未搞掂，再加上鳳凰近5次主場全敗，面對來勢洶洶嘅墨城應該凶多吉少，客勝有1.98倍阿謙誠意推介。

（周六下午2時35分開賽）