馬偉昌時來運到中三元

魑魅魍魉

昨晚只策四駒上陣的馬偉昌成績可人，頭場先贏半冷馬「綠衣郎」，到第五及第六場成功以「金獅猛將」和「聖迪達」為霍利時起孖，個人連中三元，連同另一匹坐騎「雙妙星」亦拚入亞席，整晚四匹坐騎全入Ｑ，兼且榮膺騎師王。
       
綠衣郎

霍利時經過一輪低潮後，上賽始憑「確叻迅」破悶局，昨晚再梅開二度，賽後練者表示有信心馬房可扭轉頹勢。他說：「今季我廐馬匹因轉飼料狀態徘徊，幸適應後情況已漸見改善。『金獅猛將』上場原本以為可以勝出，儘管最終落敗表現仍相當不俗，賽後韋達建議為此駒加罩，今仗果然看到成果，相信馬兒升回三班負輕磅一樣具爭勝實力，暫時仍會集中跑泥地賽。『聖迪達』首次贏泥地千二，之前已兩勝草地一千米，性能廣泛之馬仍具進步空間。」
       

綠衣郎唔退役執番場
       

至於頭場「綠衣郎」，黃汝安表示此駒足患非常嚴重，曾一度令馬主萌生放棄念頭，鑑於其質素甚佳才決定保留，小休四個月近期可接受操磨，終於在泥賽打開勝門。