科索沃擴軍破冰 大盤過關穩

猪拉多纳

今屆世盃外歐洲區其中一個話題，係「新丁」科索沃會唔會有令人驚喜嘅表現，佢哋目前喺I組排包尾，不過呢支新埋班球隊一直進行擴軍，周六凌晨鬥冰島就有3大前鋒「加盟」，預計會同求勝心切嘅冰島駁火，1.78倍嘅「入球大」抵玩！

（周六凌晨3時45分開賽）

科索沃喺4場分組賽只得1分，而且仲失咗12球波咁多，不過呢隊「新丁」仍然係組軍當中，今仗就成功搵到3個前鋒加入，當中最矚目係澳職傳奇射手貝利沙，呢位效力墨爾本勝利嘅前鋒由阿爾巴尼亞「來投」，而今場波就係喺阿爾巴尼亞嘅斯庫台上演，加上效力史浩克04嘅艾夫迪查積以及錫周三射手紐奧都加入，球隊火力即刻大增。冰島上輪輸畀克羅地亞後跌落小組第3，對住包尾科索沃肯定會全力搶晒3分，作客勢同科索沃鬥攻。
串墨西哥細盤美國勝

聽朝世盃外仲有幾場中北美洲區賽事，兩戰兩敗嘅美國如果唔想出局，主場鬥洪都拉斯係不容有失，美國近5次主場對洪都拉斯有4勝1和佳績，今仗信美國反彈捧主W；至於榜首大戰墨西哥主場對哥斯達黎加，主隊有杜斯山度士、古亞達度同捷西斯哥朗拿等星級主力受傷缺陣，強敵當前難免踢穩陣波，入球細要捧。